შეერთებული შტატები აღარ განიხილავს რუსეთს საბაზრო ეკონომიკის ქვეყნად – აშშ-ის ვაჭრობის დეპარტამენტმა რუსეთს 20 წლის წინ მინიჭებული სტატუსი ჩამოართვა.
ვაჭრობის დეპარტამენტის განცხადებით, ანალიზმა აჩვენა, რომ რუსეთის ხელისუფლების უხეშმა და ფართო ჩარევამ ეკონომიკაში სერიოზული გავლენა მოახდინა ფასწარმოქმნასა და დანახარჯებზე.
მოკვლევის შემდეგ შეერთებული შტატების ვაჭრობის დეპარტამენტი მიიჩნევს, რომ რუსეთი აღარ შეიძლება საბაზრო ეკონომიკის ქვეყნად ჩაითვალოს.
„ის უნდა გადაკვალიფიცირდეს არასაბაზრო ეკონომიკის ქვეყნად, ანტიდემპინგური ღონისძიებების შესახებ შეერთებული შტატების კანონის მიზნების შესაბამისად“, – ნათქვამია დეპარტამენტის განცხადებაში.
შეერთებულმა შტატებმა რუსეთს საბაზრო ეკონომიკის ქვეყნის სტატუსი 2002 წელს მიანიჭა.
