„რენოს“ საწარმო მოსკოვში მდებარეობს, კომპანია ფლობდა წილს „ავტოვაზში“ და 45 000 თანამშრომელი ჰყავდა რუსეთში. კომპანიამ 24 მარტს შეაჩერა რუსეთში საქმიანობა რუსეთის უკრაინაზე თავდასხმის ფონზე.
რუსეთში ფრანგული საავტომობილო კონცერნის „რენოს“ აქტივები სახელმწიფოს საკუთრებაში გადავიდა.
„რენო რუსეთის“ ქარხნის აქციები გადაეცა ქალაქ მოსკოვს, „რენოს“ წილი „ავტოვაზში“ კი გადაეცა NAMI ინსტიტუტს, რომელიც მრეწველობისა და ვაჭრობის სამინისტროს დაქვემდებარებაშია. ორივე გარიგება დაამტკიცა რუსეთის ფედერაციის ანტიმონოპოლიურმა სამსახურმა.
მოსკოვის მერი, სერგეი სობიანინი, თავის ბლოგზე წერს, რომ „რენოს“ ქარხანაში „მოსკვიჩის“ წარმოებას დაიწყებენ.
„უცხოელმა მფლობელმა მოსკოვში რენოს ქარხნის დახურვა გადაწყვიტა. ეს მისი უფლებაა, მაგრამ ჩვენ არ შეგვიძლია დავუშვათ ათასობით ადამიანის დატოვება სამსახურის გარეშე. ამიტომ გადავწყვიტე ქარხანა ქალაქის ბალანსზე გადამეტანა და ისტორიული „მოსკვიჩის“ მარკით სამგზავრო მანქანების წარმოება განმეახლებინა.
2022 წელს ჩვენ გავხსნით ახალ გვერდს მოსკვიჩის ისტორიაში,“ – წერს სობიანინი.
_______________
ფოტო: ვიკიპედია
