დღეს, 31 ოქტომბერს, ბათუმში, ჯავახიშვილის ქუჩაზე ავტომანქანა 16 წლის გოგოს დაეჯახა. მოზარდი ამ დროისთვის ბათუმში, იაშვილის დედათა და ბავშვთა ცენტრალურ ჰოსპიტალში იმყოფება.
ჰოსპიტალში დაშავებულ მოზარდს იკვლევენ. აქ გვითხრეს, რომ დაშავებული ამ დრომდე უგონო მდგომარეობაშია და ვერ დგინდება მისი ვინაობა. კლინიკა სამართალდამცველებთან ერთად ცდილობს ავარიის შედეგად დაშავებული მოზარდის იდენტიფიცირებას.
სასწრაფო სამედიცინო სამსახურის ინფორმაციით, მოზარდი ინტრაკრანიალური ტრავმით გადაიყვანეს კლინიკაში.
ავტოსაგზაო შემთხვევაზე დაიწყო გამოძიება.
