„საჯარო უწყებებს ეძლევათ დავალება, მაქსიმალურად გადაიყვანონ თანამშრომლები მუშაობის დისტანციურ რეჟიმზე და ანალოგიური რეკომენდაციით მივმართავთ კერძო სექტორს“ – განაცხადა დღეს, 12 აგვისტოს გიორგი ღიბრაძემ, უწყებათაშორის საკოორდინაციო საბჭოსთან არსებული ოპერაციული შტაბის უფროსმა.
საქართველოს მთავრობის საკოორდინაციო საბჭოს გადაწყვეტილებით, 14 აგვისტოდან 4 სექტემბრამდე იზღუდება მუნიციპალური ტრანსპორტის მოძრაობა, შეზღუდვა არ შეეხება საქალაქთაშორისო ტრანსპორტს.
ბოლო კვირებია საქართველოში კორონავირუსის ახალი დღიური შემთხვევებისა და გარდაცვალების რეკორდული მაჩვენებელი ფიქსირდება. ბოლო სამი დღეა საქართველოში კოვიდის დღეში 5 ათასზე მეტი შემთხვევაა.
ამავე თემაზე:
