საკოორდინაციო საბჭოს გადაწყვეტილებით, აღდგომის დღეებში სასაფლაოებზე გასვლა შეიზღუდება.
„სადღესასწაულო დღეებში სასაფლაოზე გასვლა შეიზღუდება, ჩაიკეტება სასაფლაოსთან მისასვლელი გზები“, – განაცხადა გიორგი ღიბრაძემ, საკოორდინაციო საბჭოსთან არსებული ოპერატიული შტაბის უფროსმა.
საკოორდინაციო საბჭოს გადაწყვეტილებით, მობილობის შემცირების მიზნით 3-დან 12 მაისის ჩათვლით საქალაქო ტრანსპორტის მოძრაობაც შეიზღუდება.
„როგორც მოგეხსენებათ, 4-11 მაისი გამოცხადებულია უქმე დღეებად, რაც მობილობის შემცირებას ისახავს მიზნად. აქედან გამომდინარე, საკოორდინაციო საბჭოს გადაწყვეტილებით, 3-დან 12 მაისის ჩათვლით შეიზღუდება მუნიციპალური ტრანსპორტის მოძრაობა“, – აცხადებს ღიბრაძე.
