ჭყონდიდის ეპარქიაში ბზობის წირვაზე მიტროპოლიტმა სტეფანემ ბერი ათინოგენის პაროდია შეასრულა. “ადგა კაცო და რა ქნა იცი? დეიწყო ლოცვა” – გაიმეორა ჟურნალისტებთან 3 მარტს ნათქვამი ბერის ეს სიტყვები მიტროპოლიტმა სტეფანემ და შემდეგ გალობა დაიწყო.
ჭყონდიდის ეპარქიაში ბზობის დღესასწაულის ამსახველი კადრები 25 აპრილს გადასცა საპატრიარქოს ტელევიზიამ.
ჭყონდიდის ეპარქიაში ღია დაპირისპირება მას შემდეგ გაღრმავდა, რაც მიტროპოლიტ პეტრე ცაავას ნაცვლად ეპარქიაში მიტროპოლიტი სტეფანე მიავლინეს.
მიტროპოლიტმა სტეფანემ ურჩობისთვის უკვე დასაჯა რამდენიმე ბერი და მონაზონი. განკვეთილებს შორის არის ბერი ათინოგენიც.
სწორედ ერთ-ერთი მორიგი კონფლიქტის დროს, როდესაც ჭყონდიდის ეპარქიის რეზიდენციის აივნიდან ადამიანები გადაცვივდნენ, ბერი ათინოგენი მოუყვა ჟურალისტებს იმის შესახებ, თუ როგორ მოახსენა ეპისკოპოსს აივნიდან ადამიანების გადაცვენისა და დაზიანების შესახებ, მან კი დაშავებულები არ მოინახულა და გალობა დაიწყო.
