ჯარაში თაფლის წარმოების ტრადიციას ძეგლის სტატუსი მიენიჭა

ჯარაში თაფლის წარმოების ტრადიციას, როგორც არამატერიალური კულტურული მემკვიდრეობის ობიექტს, არამატერიალური კულტურული მემკვიდრეობის ძეგლის სტატუსი მიენიჭა.

ჯარა ქართული, ტრადიციული სკაა – სპეციალურად დამუშავებული ხის მორი, რომელშიც ფუტკარი თაფლს აწარმოებს.

საქართველოს კულტურული მემკვიდრეობის დაცვის ეროვნული სააგენტოს გენერალურმა დირექტორმა, ნიკოლოზ ანთიძემ, შესაბამისი ბრძანება 2021 წლის 26 იანვარს გამოსცა.

სააგენტოს საინფორმაციო სისტემების სამსახურს დაევალა ჯარას თაფლის წარმოების შესახებ მონაცემების ძეგლთა სახელმწიფო რეესტრში ასახვა.

ჯარას მეფუტკრეთა ასოციაციის ცნობით, საქართველოში ჯარას თაფლის მწარმოებელი 24 მეფუტკრეა, რომელთაც ბიოსერტიფიკატი აქვთ, რაც იმას ნიშნავს, რომ მათ თავიანთი პროდუქციის ევროპულ ბაზარზე გატანა შეუძლიათ.

ჯარას მეფუტკრეები ძირითადად აჭარაში ცხოვრობენ.

ნახეთ „ბათუმელების“ სტატია:

ჯარას თაფლი ევროკავშირის ბაზარზე – 4 მეფუტკრე აჭარიდან, რომლებმაც ბიოსერტიფიკატი მოიპოვეს

მთავარი ფოტო: ჯარა / მაყვალა სურმანიძის ოჯახი/ფოტო: ჯარას მეფუტკრეთა ასოციაცია