YouTube-ის ერთ-ერთი მიმართულების დირექტორის, ტომ ლუნგის თქმით, დემონეტიზებული იქნება კორონავირუსის თემასთან დაკავშირებული ყველა ვიდეო.
2020 წლის დასაწყისში, პანდემიის საწყის ეტაპზე, როცა იუთუბმა ვირუსთან დაკავშირებული ვიდეოების ცენზურა დაიწყო, პლატფორმის წარმომადგენლები აცხადებდნენ, რომ ახალ კორონავირუსთან დაკავშირებული ყოველი მეოთხე ვიდეოთი ცრუ ინფორმაცია ვრცელდებოდა.
იუთუბის სარეკლამო წესების მიხედვით, დელიკატური თემები, განსაკუთრებით კი ადამიანების გარდაცვალებასთან დაკავშირებული საკითხები, არ შეიძლება იყოს რეკლამირებული, მით უფრო, თუ ეს მასალები ბოროტი განზრახვითაა დამზადებული.
ხშირად გაიგებთ, რომ ვაქცინა კლავს, იწვევს უნაყოფობას, ვაქცინის დროს ადამიანთა სხეულებში მიკროჩიპები შეჰყავთ და ა.შ.
კორონავირუსთან დაკავშირებული დეზინფორმაცია და შეთქმულების თეორიები სხვადასხვა სოციალურ ქსელში პანდემიის დაწყებიდანვე მალევე გავრცელდა.
ვიდეოები კორონავირუსის თემაზე იუთუბის პლატფორმაზე დარჩება, თუმცა ვეღარ იქნება მონეტიზებული და შესაბამისად იუთუბის სარეკლამო წესების თანახმად, მათი დამამზადებლები ნახვების ზრდის პარალელურად ფულს ვეღარ გამოიმუშავებენ.
