მას შემდეგ, რაც ქობულეთში, კაფე ჰავანას“ თანამშრომელს გუშინ, 15 აგვისტოს, კორონავირუსი დაუდასტურდა, მასთან ახლო კონტაქტში მყოფ 53 პირს PCR ტესტი ჩაუტარეს. აჭარის ჯანდაცვის სამინისტროს ინფორმაციით, მათგან კორონავირუსი ორ პირს დაუდასტურდა.
16 აგვისტოს მონაცემებით, ქობულეთის კაფე „ჰავანას“ კლასტერიდან კარანტინში გადაყვანილია ჯამში 54 პირი, 25 პირს აღებული აქვს სინჯები კვლევისთვის და აჭარის ჯანდაცვის სამინისტროს ინფორმაციით, პასუხები ხვალ, 17 აგვისტოს, დილით გახდება ცნობილი.
ახალგაზრდა ქალი, რომელსაც კორონავირუსი გუშინ დაუდასტურდა, „ჰავანაში“ მისულ სტუმრებს ტემპერატურას უზომავდა.
დაავადებათა კონტროლის ეროვნული ცენტრის დირექტორის მოადგილე, პაატა იმნაძე წესების დაცვისკენ მოუწოდებს საზოგადოებას და განსაკუთრებით იმ პირებს აფრთხილებს, რომლებიც „ჰავანას“ 9, 10 და 11 აგვისტოს სტუმრობდნენ.
„9, 10 და 11 აგვისტოს ვინც იყო ვიზიტორი ამ კაფის, მინდა, რომ მაქსიმალურად ისინიც გავაფრთხილო, ფრთხილად იყვნენ და თუ ოდნავ მაინც სიმპტომები გამოუვლინდებათ, მიმართონ „ცხელების ცენტრებს”, საქართველოში ყველგან არის და თვითონ ქობულეთშიც“, – თქვა გუშინ პაატა იმნაძემ.
ბუნგალოში აქამდე არაერთი ხალხმრავალი ივენთი გაიმართა.
ბუნგალოს მუშაობა არ შეუწყვეტია.
[red_box]ამ თემაზე: [/red_box]
„ჰავანა“ ქობულეთში /15.08.2020
