ბათუმში დღეს, 14 აგვისტოს, მომხდარი ქურდობის ფაქტზე ორი არასრულწლოვანი ამხილეს. პოლიციამ არასრულწლოვნები მემედ აბაშიძის ქუჩაზე შეაჩერა. ქურდობაც მემედ აბაშიძეზე მდებარე მაღაზიაში მოხდა.
მაღაზიის თანამშრომლის ინფორმაციით, მაღაზიიდან წაღებულია 500 ლარის ღირებულების ალკოჰოლური სასმელები, ყავა, სოსისი და 150 ლარი.
შინაგან საქმეთა სამინისტროს პრესსამსახურის ცნობით, ნაქურდალი ნივთები ამოღებულია ნივთმტკიცებად.
ქურდობის ფაქტზე გამოძიება სისხლის სამართლის კოდექსის 177-ე მუხლით მიმდინარეობს.
არასრულწლოვანთა კოდექსის შესაბამისად დაკავებულ მოზარდებს წინასწარი დაკავების იზოლატორში არ მოათავსებენ. მხილებულ მოზარდებთან შესაბამისი სამსახურები იმუშავებენ.
____
ამავე თემაზე:
სოსისი, ყავა და სასმელები – ბათუმში სასურსათო მაღაზია გაქურდეს
