უნდა იყოს თუ არა ზაფხულში ოფისებში, ბანკებსა და მაღაზიებში ჩართული კონდიცირება? – ამ კითხვით დაავადებათა კონტროლის და საზოგადოებრივი ჯანმრთელობის ეროვნული ცენტრს მიმართეს.
„ის კონდიციონერები, რომელიც ჩვენთან ჩვეულებრივ გამოიყენება, საყოფაცხოვრებო კონდიციონერები, რომლებიც შიგნით ჰაერს ატრიალებენ, სამწუხაროდ მათი გამოყენება ჯერჯერობით, ყველა მონაცემებით, არის მაღალი რისკის შემცველი.
ამიტომ თუ არ მუშაობს კონდიციონერი გარედან ჰაერის შემოტანაზე, რომელიც გრილდება და იქ სისტემებია, რომელსაც გააქვს ჰაერი დახურული სივრციდან [ასეთი არ არის, საწუხაროდ, აბსოლუტური უმრავლესობა, რომელსაც საყოფაცხოვრებო კონდიციონერები ჰქვია], მათი გამოყენება საშიშია. ვიცი, რომ სიცხე იქნება ზაფხულში და გაგვიჭირდება, მაგრამ ჯერჯერობით მათი გამოყენება არ იქნება ნებადართული,“ – განაცხადა დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორის მოადგილე პაატა იმნაძემ.
დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორის ამირან გამყრელიძე, მისი მოადგილე პაატა იმნაძე და დაავადებათა კონტროლის ცენტრის გადამდებ დაავადებათა დეპარტამენტის უფროსი ხათუნა ზახაშვილი მოქალაქეთა კითხვებს ფეისბუქზე, პირდაპირ ჩართვაში პასუხობენ.
