საქართველოს ეკონომიკის სამინისტროს ინფორმაციით, იმ მეწარმე სუბიექტებმა, რომლებიც საგანგებო მდგომარეობის პერიოდში, მთავრობის #181 დადგენილებით აკრძალული ეკონომიკური საქმიანობების გაგრძელებით არიან დაინტერესებულნი, საქმიანობის უფლების მოსაპოვებლად უნდა მიმართონ ჯანდაცვის სამინისტროს ვებგვერდს ელექტრონული რეგისტრაციის ფორმის შესავსებად.
განაცხადის ფორმის [ინსპექტირების ეტაპი] შევსება შესაძლებელია ამ ბმულზე
იმ მეწარმეებს, რომლებმაც უკვე შეავსეს განაცხადის ფორმა ეკონომიკისა და მდგრადი განვითარების სამინისტროს ვებგვერდზე, სამინისტროს ინფორმაციით, რეგისტრაციის ფორმის ხელმეორედ შევსება აღარ სჭირდებათ და მათი განაცხადი პრიორიტეტულად განიხილება.
„მეწარმე სუბიექტი ინსპექტირებას მხოლოდ რეგისტრაციის ფორმის შევსების შემდეგ გაივლის. ინსპექტირების შედეგად დადგინდება, რამდენად აქვს მეწარმე სუბიექტს ახალი კორონავირუსის გავრცელების პრევენციის მიზნით ჯანდაცვის სამინისტროს მიერ შემუშავებული გაიდლაინების შესრულების შესაძლებლობა.
ინსპექტირების დადებითი შედეგები შესათანხმებლად წარედგინება საქართველოში ახალი კორონავირუსის გავრცელების აღკვეთის მიზნით შექმნილ უწყებათაშორის საბჭოსთან არსებულ საგანგებო მდგომარეობის ოპერატიული მართვის შტაბს.
საბოლოო გადაწყვეტილებას მეწარმე სუბიექტისთვის ეკონომიკური საქმიანობის განხორციელების უფლების მინიჭების შესახებ იღებს საქართველოს მთავრობა,“ – აცხადებენ ეკონომიკის სამინისტროში.
ამ თემაზე:
https://netgazeti.ge/news/446293/
