ბათუმის მერიის ინფორმაციით ახალი კორონავირუსის გავრცელების საფრთხის თავიდან ასაცილებლად, უფასო სასადილოებში მომსახურების წესები დროებით შეიცვლება.
პირველი აპრილიდან ერთი თვით მუნიციპალური სასადილოები მუშაობას შეწყვეტენ. ბენეფიციარები კუთვნილ საკვებს სასადილოებში აღარ მიირთმევენ და ვერღაც გამზადებულ საჭმელს წაიღებენ.
30-31 მარტს დაიწყება სასურსათო პაკეტების გაცემა, რომელიც არამალფუჭებად პროდუქტებს მოიცავს.
მარტოხელა და ხანდაზმული ბენეფიციარებისთვის სახლში პროდუქტების მიტანას, მუნიციპალიტეტის თანამშრომლები უზრუნველყოფენ.
მერიის განმარტებით გადაწყვეტილება ხალხმრავლობის თავიდან ასაცილებლად მიიღეს.
