ბათუმში წყალარინების სისტემების მიმდინარე სარეაბილიტაციო სამუშაოების გამო, ამ კვირის ბოლოდან 45 დღის განმავლობაში, სატრანსპორტო მოძრაობა შეიზღუდება რუსთაველის ქუჩაზე, ნურეთინ ჩარმიქლის ქუჩიდან გრიბოედოვის ქუჩის მიმართულებით.
მიმდინარე სამუშაოების გამო სატრანსპორტო მოძრაობა უკვე შეზღუდულია პუშკინისა და ჯავახიშვილის ქუჩების გზაჯვარედინზე, ჯავახიშვილის ქუჩაზე, გორგილაძისა და ვახტანგ გორგასლის ქუჩებს შორის არსებულ მონაკვეთში, ფიროსმანის ქუჩაზე, ხახუტაიშვილისა და გენერალ აბაშიძის ქუჩების მიმართულებით, ასევე, ინასარიძის ქუჩის მონაკვეთზე (კობალაძის ქუჩის მიმდებარედ), ლეონიძის ქუჩაზე.
მოძრაობა ნაწილობრივ შეზღუდულია შერიფ ხიმშიაშვილის ქუჩაზე. სამუშაოების მიმდინარეობისას ავტოსატრანსპორტო საშუალებები ალტერნატიული ქუჩებით იმოძრავებს.
ქალაქის მერიის ინფორმაციით, ძირითადი მონაკვეთების დასრულება ტურისტული სეზონისთვის უნდა მოესწროს.
პროექტის ფარგლებში მიმდინარე სამუშაოების გამო, დღეიდან, 28 იანვრიდან 45 დღის განმავლობაში სატრანსპორტო მოძრაობა შეიზღუბა პუშკინისა და ჯავახიშვილის ქუჩების გზაჯვარედინზე.
მიმდინარე სამუშაოების გამო სატრანსპორტო მოძრაობა უკვე შეზღუდულია ჯავახიშვილის ქუჩაზე, გორგილაძისა და ვახტანგ გორგასლის ქუჩებს შორის არსებულ მონაკვეთში, ფიროსმანის ქუჩაზე, ხახუტაიშვილისა და გენერალ აბაშიძის ქუჩების მიმართულებით, ასევე, ინასარიძის ქუჩის მონაკვეთზე (კობალაძის ქუჩის მიმდებარედ), ლეონიძის ქუჩაზე. მოძრაობა ნაწილობრივ შეზღუდულია შერიფ ხიმშიაშვილის ქუჩაზე, ბაგრატიონისა და შარტავას ქუჩების კვეთაში არსებულ წრიულთან.
წყალარინების სისტემების რეაბილიტაცია მიმდინარეობს ლეონიძის, ხახულის, აღმაშენებლის, კობალაძის, ფიროსმანისა და ინასარიძის ქუჩების მიმდებარე ტერიტორიებზე (ჯავახიშვილის ქუჩიდან მდინარე მეჯინისწყლამდე).
ფიროსმანისა და გორგასლის ქუჩები ჯავახიშვილის ქუჩასთან გადაიკეტა
