დღეს, 17 მაისს, ბათუმში მყოფ საქართველოს პრემიერ-მინისტრ მამუკა ბახტაძეს ჰომოფობიის დღესთან დაკავშირებით ჰკითხეს ჟურნალისტებმა. კითხვაზე – თქვენ დადეთ პირობა, რომ ადამიანის უფლებები არ დაირღვეოდა ქვეყანაში. სახალხო დამცველის თქმით კი, ქვეყანაში ირღვევა ლგბტქ ადამიანის უფლებები და მათ არ ეძლევათ 17 მაისს მსვლელობის საშუალება, პრემიერმა განაცხადა:
„საქართველოში ნებისმიერი მოქალაქის უფლება არის დაცული კანონით. რაც შეეხება ამ კითხვას (ლგბტ ადამიანების უფლებებს), მე ადრეც გავეცი პასუხი დღესაც და ხვალაც თუკი მკითხავთ, იგივე პასუხი მექნება, საქართველოში ოჯახს და ოჯახურ ფასეულობებს ჰქონდა ყოველთვის ყველაზე მნიშვნელოვანი როლი. ეს იყო ასე, ასეა დღესაც, მომავალშიც ასე იქნება“.
