13 თებერვალს, 17 საათზე, ბათუმის საჯარო ბიბლიოთეკაში მდებარე „ამერიკულ კუთხეში“ არასამთავრობო ორგანიზაცია „საორსას“ ორგანიზებით, პირველი და მეექვსე კლასის მოსწავლეთა მშობლებისთვის ტრენინგი გაიმართება ინტერნეტის უსაფრთხოდ სარგებლობასთან დაკავშირებით.
„სხვადასხვა პრაქტიკული და სახალისო სიმულაციური თამაშების მეშვეობით ვასწავლით სასარგებლო გზებს, რათა უზრუნველყონ თავიანთი პატარებისთვის ინტერნეტით უსაფრთხოდ სარგებლობა“ – ნათქვამია „ამერიკული კუთხის“ განცხადებაში.
ტრენინგი ინტერნეტის უსაფრთხოდ გამოყენების საერთაშორისო დღესთან დაკავშირებით იმართება. დასწრება თავისუფალია, თუმცა, როგორც ადმინისტრაციაში აცხადებენ, მონაწილეებმა შესაძლებლობის შემთხვევაში თან უნდა იქონიონ ლეპტოპი ან სმარტფონი.
________
მთავარ ფოტოზე: სამუშაო ოთახი „ამერიკულ კუთხეში“. ფოტო „ბათუმელების“ არქივიდან
