ვაკანსიები აჭარის საჯარო სამსახურებში

აჭარის ჯანდაცვის სამინისტრომ ორ ვაკანტურ თანამდებობაზე  გამარტივებული კონკურსი გამოაცხდა. სამინისტროს პროგრამების მართვისა და სამედიცინო მომსახურების განყოფილებაში ვაკანტურია მოქალაქეთა მომსახურების სპეციალისტის ორი პოზიცია.

ამ პოზიციებზე დასაქმებულების მოვალეობა მოქალაქეთა მიღება და შესაბამისი კონსულტაციის გაწევა იქნება, ჯანმრთელობის დაცვის პროგრამებთან დაკავშირებით. გარდა ამისა, სპეციალიტები სამინისტროს, ჯანმრთელობის დაცვის პროგრამებით გათვალისწინებული სამედიცინო მომსახურების მიღებასთან დაკავშირებით ვაუჩერის მომზადებასა და გაცემაში უნდა დაეხმარონ.

ორივე პოზიციაზე ხელფასი 1200 ლარია, განცხადებების წარდგენის ვადა კი 2019 წლის რვა თებერვალს იწურება.

სსიპ ფინანსთა სამინისტროს აკადემია კი კონკურსის წესით რეგიონული პროექტების მენეჯერს შეარჩევს. კონკურსი უკვე გამოცხადებულია და განაცხადების წარდგენა 7 თებერვალს უნდა დასრულდეს. ამ პოზიციაზე დასაქმებულის ხელფასი 1600 ლარი იქნება. შერჩეულ კანდიდატს სამთვიანი გამოსაცდელი ვადით აიყვანენ.

შემოსავლების სამსახური საბაჟო დეპარტამენტის გაფორმების ეკონომიკური ზონა „ბათუმის“  მომსახურების სამმართველოსთვის ორ მებაჟე ოფიცერს შეარჩევს.

აჭარის მთავრობის აპარატში ვაკანტურია ასვე შვიდი საკონკურსო თანამდებობა, თუმცა კონკურსი ჯერ გამოცხადებული არ არის და არც ის ვიცით გეგმავს თუ არა მთავრობა უახლოეს მომავალში ამ პოზიციების შევსებას.

აჭარის მთავრობის აპარატში შვიდი თანამდებობა ვაკანტურია