ტრეფიკინგის წინააღმდეგ ბრძოლის ევროპის დღის აღსანიშნავად 18 ოქტომბერს, ბათუმში, ვარდების სკვერში არტ-ინსტალაცია მოეწყო. “უხილავნი ჩვენს შორის” ასე ჰქვია კამპანიას, რომლის მიზანიც ადამიანებით ვაჭრობის (ტრეფიკინგის) თემაზე ცნობიერების ამაღლებაა.
ინსტალაციაზე ტრეფიკინგის მსხვერპლთა რეალური ისტორიები იყო წარმოდგენილი, ადამიანების, რომლებიც ჩვენს გვერდით ცხოვრობენ, თუმცა საზოგადოება მათ ვერ ხედავს.
“სამი და მყავს. დედაჩემმა სამივე გაგვყიდა – მიგვყიდა ნაცნობს, რომელთან ერთადაც სვამდა. გვაიძულებდნენ გვემათხოვრა და გვცემდნენ თუ ვინმეს დიდხანს დაველაპარაკებოდით. ფულს აღებისთანავე გვართმევდნენ და ერთადერთი ჩვენი საჭმელი იყო ის, რასაც ხალხი გვაძლევდა. პოლიციელმა წავიყვანა ქუჩიდან და ახლა ბავშვთა სახლში ვცხოვრობთ. დედა ჩვენს სანახავად არ მოდის,” – 7 წლის პეტროს რეალური ისტორია ერთ-ერთია ინსტალაციაზე წარმოდგენილი ისტორიებიდან.
კამპანია “უხილავნი ჩვენს შორის“ ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდთან ერთად ხორციელდება. კამპანიას მხარს უჭერს იუსტიციის სამინისტრო.
ინსტალაცია პირველად 2014-2015 წლებში განთავსა უკრაინაში. 2016 – 2017 წლებში მან გადაინაცვლა ბელარუსსა და მოლდოვაში. კამპანია “უხილავნი ჩვენს შორის“ აღიარებულია ტრეფიკინგის წინააღმდეგ ბრძოლის საუკეთესო რეგიონალურ ინიციატივად.
კამპანია “უხილავნი ჩვენს შორის“ ბათუმში ფოტო: მანანა ქველიაშვილი/ბათუმელები
