აჭარის ჯანდაცვის სამინისტრომ პირველადი ჯანდაცვის ცენტრებისთვის მაღალი გამავლობის ავტომანქანების შესაძენად ტენდერი გამოაცხადა. წინადადებების მიღება 2018 წლის 2 აპრილს დასრულდება.
სამინისტროს ცნობით, ავტომანქანები იმ ცენტრებს გადაეცემა, რომელთაც სამინისტროს პროგრამის ფარგლებში ავტომანქანები ჯერ არ მიუღიათ, რითაც დასრულდება რეგიონის პირველადი ჯანდაცვის ცენტრების ავტოპარკის შევსება.
უწყებამ 2014-2017 წწ – „სოფლად პირველადი ჯანდაცვის განვითარების ხელშეწყობის“ პროგრამის ფარგლებში, მუნიციპალიტეტების პირველადი ჯანდაცვის ცენტრებს 43 მაღალი გამავლობის ავტომანქანა გადასცა.
აჭარის ჯანდაცვის სამინისტროს ინფორმაციით, ავტომანქანების შენახვისა და საწვავის ხარჯები, ასევე მძღოლის ხელფასი, ადგილობრივი თვითმმართველი ორგანოების ჩართულობით იფარება.
პროგრამის ბიუჯეტი შეადგენს 200 000 ლარს.
