ლევან მაისურაძემ – აწ უკვე აჭარის საპატრულო პოლიციის ყოფილმა ხელმძღვანელმა ამ თანამდებობაზე რვა თვე იმუშავა – ის როტაციის პრინციპით მას შემდეგ მოავლინეს რეგიონში, რაც მისი წინამორბედი კახაბერ ბუხრაძე ასევე როტაციის წესით სხვაგან გადაიყვანეს. თავის მხრივ კახა ბუხრაძის გადადგომას ბათუმის ცნობილი მოვლენების – 11-12 მარტის აქციაზე ითხოვდნენ.
შს სამინისტროს პრესცენტრში ადასტურებენ ლევან მაისურაძის გადადგომას, ასევე დასძენენ, რომ ლევან მაისურაძემ თანამდებობა საკუთარი სურვილით დატოვა. უწყებაში ამბობენ, რომ საპატრულო პოლიციის ხელმძღვანელის თანამდებობაზე, ჯერჯერობით, არავინ არ არის დაუნიშნიათ.
თავად ლევან მაისურაძესთან დაკავშირება „ბათუმელებმა“ ვერ მოახერხა. ის სატელეფონო ზარებს არ პასუხობს.
შს მინისტრის თანამდებობაზე გიორგი გახარიას დანიშვნის შემდეგ პოლიციის უფროსები დანიშნეს ქობულეთში, ხელვაჩაურსა და შუახევშიც. ეს თანამდებობები თვეების განმავლობაში ვაკანტური იყო.
