აჭარის განათლების, კულტურისა და სპორტის სამინისტრო ორი მსუბუქი ავტომობილის შეძენას გეგმავს, რისთვისაც ბიუჯეტიდან 97 200 ლარი აქვს გამოყოფილი. ავტომობილებს სამინისტრო ელექტრონული ტენდერით შეიძენს, რომელიც მიმდინარე წლის 21 დეკემბერს დასრულდება.
ავტომობილები, ტენდერში გამარჯვებულმა, სამინისტროს უნდა მიაწოდოს ხელშეკრულების გაფორმებიდან ორი კალენდარული დღის ვადაში, მაგრამ არაუგვიანეს მიმდინარე წლის 28 დეკემბრისა.
ავტომობილები უნდა იყოს ახალი, არანაკლებ 2017 წლის გამოშვების, ექსპლუატაციაში არმყოფი; ტენდერში მონაწილე პრეტენდენტს ქალაქ ბათუმში ან ბათუმის მიმდებარე ტერიტორიაზე მაქსიმუმ 30 კილომეტრის ფარგლებში უნდა გააჩნდეს სულ მცირე ერთი სერვისცენტრი, სადაც განახორციელებს საგარანტიო პირობების ფარგლებში გეგმიურ ფასიან მომსახურებას.
