მემორიალთან შეკრებილებს შორის იყვნენ ბათუმის მერი და მერიის თანამშრომლები, საკრებულოს წევრები, აჭარის მთავრობის წევრები, უნივერსიტეტისა და საზღვაო აკადემიის სტუდენტები და პროფესორ მასწავლებლები.
1989 წლის 9 აპრილს 21 ადამიანი დაიღუპა, მათ შორის სტუდენტები და სამი 16 წლის ახალგაზრდა. ისინი თბილისში ყოფილი პარლამენტის წინ შეკრებილ მომიტინგეებთან ერთად იმყოფებოდნენ. მომიტინგეები საბჭოთა კავშირიდან საქართველოს გამოყოფასა და დამოუკიდებლობას მოითხოვდა. მომიტინგეები საბჭოთა არმიამ ხელკეტებითა და მხუთავი აირით დაშალა, რამაც 21 ადამიანი იმსხვერპლა.
