სად მივყავართ „ზებრებს“ ბათუმში? [ფოტოამბავი]

ბათუმის ქუჩებში ქვეითთა გადასასვლელებზე, ეგრეთ წოდებული „ზებრებზე”, არაერთ ადგილას ნახავთ ბოძკინტს, შუქნიშანს, ნაგვის ურნას ან სხვა  დანიშნულების რკინის ბოძს, რომელსაც ფეხით მოსიარულემ გვერდი უნდა აუაროს. ზოგიერთ ადგილას კი,  „ზებრაზე“ მიმავალმა ადამიანმა ტროტუარზე მოსახვედრად „შემოვლითი გზა“ უნდა გამოიყენოს, ანუ ქუჩის ის ნაწილი, სადაც ქვეითი არ უნდა დადიოდეს. ასეთ ადგილებში, ძირითადად, მრავალბინიანი სახლები შენდება და ქუჩის ფეხით სავალი ნაწილი სამშენებლო კომპანიას აქვს შემოსაზღვრული.

ბათუმში ზებრების დახაზვაზე პასუხისმგებელი სატრანსპორტო ინფრასტრუქტურის სააგენტოა. სააგენტოს დირექტორი, გიორგი ჩხეიძე ამბობს, რომ ამ პრობლემის შესახებ მან კარგად იცის, მაგრამ გამოსავალს ვერ ხედავს:

„გეთანხმებით, ზოგ ადგილას არის ეს პრობლემა, მაგრამ ისეა ქალაქი დაგეგმილი, ისეა ინფრასტრუქტურა, რომ სხვა საშუალებას არ იძლევა. თავისი სტანდარტი აქვს ზებრას, უნდა იყოს ქუჩის დასაწყისში ან ბოლოს, შუა ქუჩაში ხომ ვერ იქნება, ამიტომ ყველა ამ გარემოების გათვალისწინებით, შეიძლება მოხდეს ასეთი რამ. ჩვენ მაქსიმალურად ვცდილობთ არ იყოს ასეთი შემთხვევები, ვცდილობთ ირიბად დავხაზოთ ხან და არა სწორხაზოვნად, მაგრამ ყველაფერს ვერ გავითვალისწინებთ. მაშინ არ უნდა დავხაზოთ ასეთ სიტუაციაში ზებრა და არ იქნება ფეხით გადამსვლელთათვის ადგილი. რაც შეეხება ბოძკინტებს, ბოძკინტი არ უშლის ხელს ქვეითებს, მანქანა რომ არ ავიდეს, ამიტომ არის გაკეთებული“, – ამბობს  გიორგი ჩხეიძე.

 

IMG_20170324_184722-e1490369187614

გოგოლის ქუჩის მიმდებარედ

გოგოლის ქუჩის მიმდებარედ

კონსტანტინე გამსახურდიას ქუჩა

კონსტანტინე გამსახურდიას ქუჩა

გამსახურდია 4

გამსახურდიას და აბაშიძის ქუჩების კვეთა

გამსახურდიას და აბაშიძის ქუჩების კვეთა

გმირთა ხეივანი

გმირთა ხეივანი

ფიროსმანის ქუჩა

ფიროსმანის ქუჩა

ფიროსმანის ქუჩა

ფიროსმანის ქუჩა

გორგილაძის ქუჩა

გორგილაძის ქუჩა

გორგილაძის ქუჩის კვეთა

გორგილაძის ქუჩის კვეთა

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ტელ: [0422] 27 45 12 ელფოსტა: kvachadze.n@gmail.com