კონკურსი ხელოვანებისთვის საერთაშორისო ფესტივალებში მონაწილეობის დასაფინანსებლად

აჭარის განათლებისა და კულტურისა სამინისტროში  „ხელოვანთა მობილობის ხელშეწყობის კონკურსი“ გამოცხადდა, რომელიც აჭარაში მოღვაწე შემოქმედებით ჯგუფებს, ინდივიდუალური შემსრულებლებს, მხატვრებსა და სხვებს,  შესაძლებლობას აძლევს კონკურსის წესით მოიპოვონ დაფინანსება საქართველოს  და  საერთაშორისო  ფესტივალებში, კონკურსებში,  გამოფენებში და სხვა ღონისძიებებში მონაწილეობისთვის.

„ხელოვანთა მობილობის ხელშეწყობის კონკურსი“ ეტაპობრივად ტარდება, ამჟამინდელი მდგომარეობით დასრულებულია კონკურსის პირველი ეტაპი, ხოლო მეორე ეტაპის ფარგლებში განაცხადებების მიღება მიმდინარე წლის 1 მარტიდან 10 მარტის ჩათვლით იწარმოებს.

განათლების სამინისტროს ონფორმაციით, განაცხადი მათთან წარდგენილი უნდა  იყოს იმგვარად, რომ 10 მარტიდან, ამ კონკრეტული ღონისძიების დაწყებამდე პერიოდი შეადგენდეს არანაკლებ 35 დღეს. მიღებული გადაწყვეტილების შესახებ განმცხადებლები პასუხს 22 მარტამდე მიიღებენ.

ხელოვანთა მობილობის ხელშეწყობის კონკურსის 2017 წლის ბიუჯეტი 94 500 ლარია.  კონკურსის ფარგლებში მოთხოვნილი  თანხა მაქსიმუმ 10 500 ლარი უნდა იყოს.

ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან