მთავარი,სიახლეები

ბათუმის მერია: „ამ ძეგლის ბათუმში დადგმას არ ვგეგმავთ“

02.08.2018 • 5224
ბათუმის მერია: „ამ ძეგლის ბათუმში დადგმას არ ვგეგმავთ“

„დავით აღმაშენებლის ძეგლი თაბაშირში. თამამად შეგვიძლია ვთქვათ, რომ ჩვენ გავიმარჯვეთ! (მოქანდაკე: მერაბ მერაბიშვილი)“, – ეს ინფორმაცია ფოტოსთან ერთად რამდენიმე საათის წინ „ქართულმა მარშმა“ გაავრცელა თავის ფეისბუქგვერდზე. ბათუმის მერიაში აცხადებენ, რომ ბათუმში „ამ ძეგლს“ არ დადგამენ.

ბათუმის მერიის პრესსამსახურის განმარტებით, ძეგლის ესკიზის შესარჩევად მერია კონკურსს გამოაცხადებს, მანამდე კი, 12 აგვისტოს, მერია შერჩეულ ადგილზე დავით აღმაშენებლის მემორიალს განათავსებს.

ბათუმში დავით აღმაშენებლის ძეგლი ტბელ აბუსერიძისა და დავით აღმაშენებლის ქუჩების გადაკვეთაში არსებულ წრიულში დაიდგმება. ამის შესახებ გადაწყვეტილება ბათუმის საკრებულომ მიიღო.

ძეგლის დადგმის საკითხი მას შემდეგ გახდა აქტუალური, რაც „ქართულმა მარშმა“ ფეისბუქზე დეზინფორმაციული კამპანია დაიწყო. „მარში“ წერდა, რომ ადგილობრივი მთავრობა ბათუმში ძეგლის დადგმას მეზობელი სახელმწიფოების მოთხოვნით ვერ ბედავდა.

სიცრუეა „ქართული მარშის“ ინფორმაცია, რომ ბათუმის მთავრობა აღმაშენებლის ძეგლს ვერ დგამს

იგივე თემაზე მათ ბათუმის მერთანაც ჰქონდათ ხმაურიანი შეხვედრა.

„ქართული მარში“ ბათუმის საკრებულოს სხდომაზე მიდის – საკრებულოს პასუხი

გადაბეჭდვის წესი


ასევე: