მარადიდში მდინარეზე სეირნობის დროს სამი ტურისტი დაიღუპა

„ბათუმელების“ ინფორმაციით, ხელვაჩაურის მუნიციპალიტეტის სოფელ მარადიდში მდინარე ჭოროხზე ნავით გასეირნებისას ნავი გადაბრუნდა, რის შედეგადაც ექვსი ტურისტი მდინარემ გაიტაცა. როგორც მერის წარმომადგენელმა გვითხრა, ნავით ადგილობრივები ასეირნებდნენ ტურისტებს.

სოფლის მცხოვრებლის თქმით, ეს იყო ტურისტების ორი ოჯახი.

ხელვაჩაურის მერის წარმომადგენლის თქმით, უკვე იპოვეს ორი ადამიანი, რომლებიც ცოცხლები არიან.

სასწრაფო სამედიცინო სამსახურის ინფორმაციით, დაღუპულია სამი ადამიანი, რომელთა ცხედრებიც სამაშველო სამსახურმა უკვე იპოვა.

მარადიდში კვლავ მობილიზებულია სამაშველო სამსახური, რომლებიც, სავარაუდოდ, ერთ ადგილობრივ პირს ეძებენ.

„ბათუმელების“ ინფორმაციით, ტურისტებს ნავით მდინარეზე გასეირნების სერვისს ადგილობრივები სთავაზობდნენ. ეს სერვისი სოფელში გასულ წელს შეიქმნა.

შს სამინისტროს ინფორმაციით, გამოძიება დაიწყო სსკ 116-ე მუხლით, რაც გაუფრთხილებლობით სიცოცხლის მოსპობას გულისხმობს.

მდინარის ნაპირას

 

განახლება: დაიღუპა ოთხი ადამიანი. მაშველებმა დაღუპულების ცხედრების მდინარიდან ამოტანა შესძლეს. 

მაშველებმა მდინარე ჭოროხში მეოთხე გარდაცვლილიც იპოვეს

ნეტგაზეთის მასალების სხვა გამოცემებში გადაბეჭდვის წესი


ავტორი
გაზეთი "ბათუმელები" გამოდის 2001 წლიდან.