„სკოლის მართვა“- სპეციალური ჟურნალი სკოლის დირექტორებისთვის



„მასწავლებელთა და სკოლის დირექტორთა პროფესიული განვითარების პროექტის“ ფარგლებში სკოლის დირექტორებისთვის სპეციალური ჟურნალი გამოიცა, სახელწოდებით, – „სკოლის მართვა“.

როგორც მასწავლებელთა პროფესიული განვითარების ეროვნულ ცენტრში „ბათუმელებს“ განუმარტეს, ჟურნალში წარმოდგენილი სტატიების ავტორები მოქმედი დირექტორები, განათლების სფეროს სპეციალისტები და საერთაშორისო ავტორები არიან.

„ეს შესაძლებლობას მისცემს ჩვენს დირექტორებს, უკეთ გააცნობიერონ მართვის საერთაშორისო და ეროვნული პრობლემატიკა, მოარგონ არსებული გამოცდილება საკუთარი სკოლის კონტექსტს და მეტად მოსწავლეზე ორიენტირებული გახადონ სკოლა.

გამოცემაში თავმოყრილია ზოგადსაგანმანათლებლო სკოლების მართვის აქტუალური თემატიკა, მართვის საუკეთესო პრაქტიკა, ინტერვიუები განათლების სპეციალისტებთან და სხვა“.

ჟურნალი ათასწლეულის გამოწვევის ფონდი – საქართველოს ფინანსური მხარდაჭერით, მასწავლებელთა პროფესიული განვითარების ეროვნული ცენტრისა და „სკოლის ადმინისტრატორთა ასოციაციის“ თანამშრომლობით გამოიცა. ჟურნალის პრეზენტაცია დღეს, 15 მარტს, 16:00 საათზე, თბილისში, სასტუმრო „ქორთიარდ მერიოტში“ გაიმართება.

ჟურნალი ყველა საჯარო სკოლას უსასყიდლოდ გადაეცემა.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com