დღეს, 2 მარტს, ზღვამ მკვდარი ძუძუმწოვარი გამორიყა. ფოტოებს გარემოს ეროვნული სააგენტოს, მეთევზეობისა და შავი ზღვის მონიტორინგის დეპარტამენტის ხელმძღვანელი, არჩილ გუჩმანიძე ავრცელებს. ფოტოზე მკვდარი ზღვის ღორი, Phocoena phocoena-ა.
არჩილ გუჩმანიძის განმარტებით, ზღვის ძუძუმწოვრის დაღუპვის მიზეზი სავარაუდოდ ტოქსიკო-პათოლოგიური ფაქტორია, რაც დაბინძურებას ან დაავადებას გულისხმობს.
ეს წელს ზღვის ძუძუმწოვრის ნაპირზე გამორიყვის მეშვიდე შემთხვევაა.
ორი დღის წინ, ბათუმის სიახლოვეს ზღვაში, ნავიგაციური ტრავმით დაღუპული თეთრგვერდა დელფინი იპოვეს.