ამირან გამყრელიძე: მოვუწოდებ 40 წლამდე ექიმებს, წითელაზე აიცრან

„მოვუწოდებ განსაკუთრებით 40 წლამდე ექიმებს, აიცრან წითელაზე,”-  განaცხადა ამირან გამყრელიძემ, დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა, დღეს ბათუმში, ექიმებთან შეხვედრის დროს.

ამირან გამყრელიძის თქმით, წითელას გავრცელება ამჯერად სამედიცინო მუშაკებიდან დაიწყო, რადგან „40 წლამდე ადამიანების დიდი ნაწილი და მათ შორის ექიმები, წითელაზე აცრილი არ არის”.

რაც შეეხება 40 წელს გადაცილებულ ექიმებს, ამირან გამყრელიძემ განაცხადა, რომ მათ შედარებით მყარი იმუნიტეტი აქვთ.

დაავადებათა კონტროლის ცენტრის დირექტორმა ექიმებს მხარდაჭერისკენ მოუწოდა და უთხრა, რომ მედიკამენტი, რითაც კეთდება ვაქცინა წითელაზე, სანდოა და რეკომენდებული ჯანდაცვის მსოფლიო ორგანიზაციის მიერ.

„გთხოვთ, მოგვეხმაროთ ამ საკითხში. ექიმთა საზოგადოება ამ პროცესში უნდა იყოს სამაგალითო, პირველ რიგში,”- აღნიშნა ამირან გამყრელიძემ.

დღევანდელ შეხვედრას ექიმთა საზოგადოებასთან საქართველოს ჯანდაცვის მინისტრი, დავით სერგეენკოც ესწრება. შეხვედრა ბათუმის სახელმწიფო უნივერსიტეტში მიმდინარეობს.

 

ნეტგაზეთის მასალების სხვა გამოცემებში გადაბეჭდვის წესი


ავტორი