ქობულეთის საკრებულოს რიგითი წევრის ანაზღაურება გაიზარდა

ქობულეთის საკრებულოს წევრის ყოველთვიური ანაზღაურება 128 ლარით გაიზარდა. ცვლილება ეხება საკრებულოს იმ წევრებს, რომლებიც საკრებულოში თანამდებობაზე არ მუშაობენ.

საკრებულოს მიერ მიმდინარე წლის 21 თებერვალს მიღებულ დადგენილებაში აღნიშნულია:

„ქობულეთის მუნიციპალიტეტის საკრებულოს სხდომებში და მის ორგანოთა მუშაობაში მონაწილეობის მისაღებად, ამომრჩევლებთან შესახვედრად, საკრებულოს და საკრებულოს თავმჯდომარის სამსახურებრივი დავალებების შესასრულებლად, ქობულეთის მუნიციპალიტეტის საკრებულოს წევრის, რომელიც არ არის საკრებულოს თანამდებობის პირი, უფლებამოსილების განხორციელებასთან დაკავშირებული ხარჯების ყოველთვიური ანაზღაურება განისაზღვროს 525 ლარის ოდენობით“.

საკრებულოს არათანამდებობის მქონე წევრის ყოველთვიური ანაზღაურება ამ დრომდე 397 ლარი იყო.

ამავე თემაზე:

ბათუმის საკრებულოს რიგითი წევრი 200 ლარით მეტს მიიღებს

ნეტგაზეთის მასალების სხვა გამოცემებში გადაბეჭდვის წესი


ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com