როგორ აღნიშნავდნენ ახალ წელს საუკუნის წინ ნიუ-იორკში

შობა-ახალი წელი ნიუ-იორკელებისთვის ყოველთვის განსაკუთრებული დრო იყო. ქალაქი გუგუნებდა როკფელერ-ცენტრისკენ დაძრული ხალხის ხმაურისგან, აქ იდგა ქალაქის დიდი ნაძვის ხე, აქვე იმართებოდა საახალწლო ბაზრობაც.

მეოცე საუკუნის დასაწყისის ფოტოებიდან ჩანს, რომ ქალაქის რიტმი ასი წლის წინაც თავბრუდამხვევი იყო.

ნიუ-იორკში პირველი საჯარო ნაძვის ხე 1912 წელს მედისონ სკვერ გარდენში დადგეს. ნაძვის დადგმა საქველმოქმედო აქტად იქცა: მეცნიერი ქიმიკოსის მეუღლის, ემილი ლი ჰერშოფის სურვილი იყო დაედგათ ქალაქში საახალწლო ნაძვი, რომ სოციალური სტატუსის მიუხედავად, ყველას შესძლებოდა ნაძვის ხის საახალწლო მორთულობით ტკბობა.

1910 წლის კადრებიდან ჩანს, რომ ქველმოქმედება სადღესასწაულო პერიოდის მნიშვნელოვანი ნაწილი იყო. კადრებზე ჩანან ხსნის არმიის წევრები, რომლებიც სადღესასწაულო სადილისთვის აგროვებენ შემოწირულობას.

საჩუქრებით გადავსებული ვიტრინები და სათამაშოების გამყიდველებით სავსე ქუჩა დღესასწაულის კომერციულ ასპექტს უსვამს ხაზს.

ფოტოები კონგრესის ბიბლიოთეკის არქივის მხოლოდ ნაწილია და ამერიკის ერთ-ერთ პირველ სააგენტოს Bain News Service-ს ეკუთვნის, რომელიც ნიუ-იორკის ახალ ამბებსა და ყოველდღიურობას ასახავდა.

კადრები გვიჩვენებს, რომ ოცდამეერთე საუკუნის ერთ-ერთ ყველაზე აქტიურ ქალაქს, ნიუ-იორკს, საუკუნის წინაც არანაკლებად თავბრუდამხვევი რიტმი გამოარჩევდა დანარჩენი მსოფლიოსგან.

ფოტოები ამერიკის ახალი ამბების ერთ-ერთი პირველი სააგენტოს, Bain News Service-ის გადაღებულია და ამჯერად ამერიკის კონგრესის ბიბლიოთეკას ეკუთვნის 

ნიუ-იორკი ამერიკაში იყო პირველი ქალაქი, სადაც 1912 წელს, მედისონ სკვერ გარდენზე საზოგადოებრივი საახალწლო ნაძვის ხე დადგეს 

ქველმოქმედება ნიუ-იორკში დღესასწაულის შემადგენელი აუცილებელი ნაწილი იყო. ამ დროს შეჭირვებული ოჯახების ბავშვებისთვის სათამაშოებსა და საახალწლო სადილის თანხას აგროვებდნენ.

როცა ახალ წელს ნიუ-იორკში მოხვდებით, აუცილებლად შეადარეთ რა შეიცვალა ქალაქში ასი წლის განმავლობაში

ნეტგაზეთის მასალების სხვა გამოცემებში გადაბეჭდვის წესი


ავტორი
თამუნა ნერგაძე არის "ბათუმელების" რეპორტიორი 2017 წლის ოქტომბრიდან