ციფრული ნამუშევრების გამოფენა ბათუმში

ხვალ 31 დეკემბერს, ბათუმში პირველად გაიმართება ექვსი ხელოვანის ნამუშევრების გამოფენა, რომელიც სპეციალურად საახალწლოდ შეიქმნა. ნამუშევრები 30 დღის განმავლობაში იქნება გამოფენილი ბათუმის ცენტრალურ ქუჩებში.

როგორც გამოფნის ორგანიზატორები ამბობენ, გამოფენების მიზანია ციფრული ხელოვნების (Digital Art – Print Art) პოპულარიზაციაა.

გამოფენილი იქნება Levanccio -ს, ბექა ბერიძის , თინა ჩერტოვას, ნინო ბოსიკაშვილის, მაკა ზედელაშვილისა და ლევან გელიაშვილის ნამუშევრები.

პროექტის გახორციელება ორგანიზაცია EREDELI’s Art -ის მიერ 2016 წლიდან, რომლის მხარდამჭერი იყო შვეიცარიის განვითარებისა და თანამაშრომლობის სააგენტო (SDC), Culture and Management Lab, კულტურისა და მენეჯმენტის ლაბორატორია ​და აჭარის განათლები, კულტურისა და სპროტის სამინისტრო.

​„პროექტის ფარგლებში ბათუმის ცენტრალურ უბნებში  ცხრა „არტ – ბოქსი“ განთავსდა, ბათუმელ ახალგახრდებს გამოეყოთ სამუშაო სივრცე (სტუდია) უსასყიდლოდ და მოხდა ვებ გვერდის შემქნა სადაც ხელოვანები ნამუშევრებს გაყიდიან და გაავრცელებენ.

2016 წელს, პროექტის დასრულების შემდეგ სტუდია განვითარდა და დამოუკიდებლად შექმნა უფრო მაშტაბური პროექტი „ART UP“, რომლის ფარგლებშიც მთლიანად საქართველოში ყველა ტიპის ნამუშევრის გავრცელებისათვის არის მორგებული“-ნათქვამია პროექტის ისტორიაში.

მათივე ინფორმაციით, „არტ ბოქსები“ დამონტაჟდება თბილისშიც,  ვებ გვერდს სამომავლოდ დაემატება აუდიო და ციფრული ნამუშევრების ონლაინ გაყიდვის ფუნქცია.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com