Batumelebi | 26 მაისს ბათუმში, ერას მოედანზე, წიგნების გამოფენა – გაყიდვა გაიმართება 26 მაისს ბათუმში, ერას მოედანზე, წიგნების გამოფენა – გაყიდვა გაიმართება – Batumelebi
RU | GE  

26 მაისს ბათუმში, ერას მოედანზე, წიგნების გამოფენა – გაყიდვა გაიმართება

 

26 მაისს, საქართველოს დამოუკიდებლობიოს დღესთან დაკავშირებით, ქალაქ ბათუმის მერიის მიერ ორგანიზებული კულტურული ღონისძიების ფარგლებში, პრესკაფე და თავისუფალ ჟურნალისტთა სახლი ევროპის მოედანზე (11.00-19.00 საათამდე) გამართავს წიგნების გამოფენა-გაყიდვას. 

 

გამოფენაზე იქნება გამოტანილი 9 გამომცემლობის („ელფი“ „სულაკაური“,„დიოგენე“, „პალიტრა L“, „ლოგოს პრესი“, „ჯემალ ქარჩხაძე“, „საბავშვო ენციკლოპედია“ , „საქართველოს მაცნეს“ „ლაბრინტი“ ) ახალი წიგნები.

 

გამოფენაზე მოსულ სტუმრებს ასევე საშუალება ექნებათ შეიძინონ ახალი წიგნი – ,,მოგზაურობა ძველ ბათუმში’’. წიგნში გამოქვეყნებული მასალები მომზადებულია ისტორიულ ცნობებზე, დოკუმენტებსა და მოგონებებზე დაყრდნობით. წიგნი დასურათებულია კერძო ფოტოკოლექციებში დაცული უნიკალური ფოტომასალით, რომელიც ძველი ბათუმის ყოფა-ცხოვრებას, ქუჩებსა და ისტორიულ ფაქტებს ასახავს.

 

ღონისძიება ტარდება არასამთავრობო ორგანიზაციების „პრესკაფეს“ და ,,თავისუფალ ჟურნალისტთა სახლის’’ ორგანიზებით.

 

გამოფენა – გაყიდვის საინფორმაციო მხარდაჭერები არიან ყოველკვირეული ბეჭდური გამოცემა – გაზეთი „ბათუმელები“ და ახალი ამბების  გამოცემა – www.netgazeti.ge

 

ნეტგაზეთის მასალების სხვა გამოცემებში გადაბეჭდვის წესი
"ბათუმელები"