ნეტგაზეთი • RU

ევროპის ჩემპიონატს ჭადრაკში ყველაზე მაღალი სარეიტინგო ქულის მქონე ნანა ძაგნიძე გამოეთიშა

 

ჩაქვში მიმდინარე ჭადრაკის ქალთა ევროპის ჩემპიონატს ტურნირის ყველაზე მაღალი სარეიტინგო ქულის მქონე ქართველი მოჭადრაკე ნანა ძაგნიძე გამოეთიშა. ჩემპიონატის ორგანიზატორების თქმით, მან ოჯახის წევრის ჯანმრთელობის მდგომარეობის გამო მესამე ტურის დასრულების შემდეგ შეწყვიტა ასპარეზობა. 


ნანა ძაგნიძე | ქალთა ევროპის ჩემპიოანატი ჭადრაკში, მეორე ტური

 

ნანა ძაგნიძე მსოფლიო საჭადრაკო კლასიფიკაციით მეოთხე მოჭადრაკედ ითვლება. ქალთა ევროპის ჩემპიონატში კი, სადაც 98 მოჭადრაკე მონაწილეობს 19 ქვეყნიდან – საერთაშორისო სარეიტინო – 2570 ქულით – პირველ ნომრად ირიცხებოდა, მას მოჰყვება მეორე ადგილზე ბელა ხოტენაშვილი (2527), და მესამე ადგილზე ანტუანეტა სტეფანოვა (2512). 

ნანა ძაგნიძემ პირველ ტურში აზერბაიჯანელი საბინა ისმაილოვა (2272) დაამარცხა, მეორე ტურში რუს მარინა გუსაევს (2391) მოუგო, ხოლო მესამე ტური ფრედ  დაასრულა სომეხ დიდოსტატ ელინა დანიელიანთან (2458).

დღეს ჩემპიონატის მეექვსე ტური მიმდინარეობს. გამარჯვებული 30 მაისს გამოვლინდება.

 

ევროპირველობა ქალთა ჭადრაკში, ჩაქვში სასტუმრო „ოაზისში“ ტარდება.

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი