Batumelebi | ”ბათუმი” ჩემპიონობისთვის ბრძოლას გამოეთიშა [ვიდეო | ფოტო] ”ბათუმი” ჩემპიონობისთვის ბრძოლას გამოეთიშა [ვიდეო | ფოტო] – Batumelebi
RU | GE  

”ბათუმი” ჩემპიონობისთვის ბრძოლას გამოეთიშა [ვიდეო | ფოტო]



  16 მაისს, ბათუმის სასპორტო სკოლის საკალათბურთო დარბაზში, სუპერლიგის ნახევარფინალურ შეხვედრაში ბათუმის „ბათუმმა“ შსს-ს „აკადემიას“ უმასპინძლა. 

შსს ”აკადემიამ” ბათუმის ”ბათუმი” – 76:74 დაამარცხა და ფინალში გადავიდა

შეხვედრის პირველი ნახევარი დიდი უპირატესობით „ბათუმელები“ იგებდნენ მაგრამ, 10 წუთიანი შესვენების შემდეგ შსს აკადემიამ ანგარიში თავის სასარგებლოდ შეცვალა, შეხვედრა 2 ქულით მოუგო, და სუპერლიგის ფინალისტობა გაინაღდა.

ბათუმის „ბათუმი“ მესამე ადგილისთვის გააგრძელებს ბრძოლას.

შეხვედრის შემდეგ გუნდის მწვრთნელებმა კომენტარი გააკეთეს:

დავით უსტიაშვილი, ბათუმის „ბათუმის“ მწვრთნელი: „ თამაშ კარგად დავიწყეთ, მაგრამ ბოლოს დაღლა დაგვეტყო, იყო მომენტი ბოლო წამზე ვისროლეთ სამქულიანი ჩაგდების შემთხვევაში ვიგებდით, სამწუხაროდ ვერ ჩავაგდეთ. კალათბურთია ხდება ყველაფერი. ბიჭებს მადლობა ბრძოლისთვის. ორ დღეში გავიგებთ ვის ვეთამაშებით და ვიბრძოლებთ მესამე ადგილისთვის“.

კონსტანტინე (კოტე) ტუღუში, შსს აკადემიის მწვრთნელი: „როგორც მოსალოდნელი იყო „ბათუმმა“ დიდი შემართებით დაიწყო ბრძოლა. დასაწყისში ყველაფერი გამოსდიოდა, იბრძოდნენ ბოლომდე. თამაშის განმავლობაში 23 ქულასაც კი ვაგებდით, მაგრამ მეორე ნახევარში ჩემმა გუნდმა მაქსიმალური მობილიზება მოახდინა, გამოვასწორეთ ყველა შეცდომა. მადლობას ვეტყვი ჩემს ბიჭებს ამ თავდადებული ბრძოლისთვი, ასევე მადლობა მინდა ვუთხრა ბათუმელ გულშემატკივარს, რომელმაც ორივე გუნდს სასწაული ატმოსფერო შეგვიქმნა, უმაღლესი დონის კალათბურთი რომ გვეთამაშა“.

 


საკალათბურთო კლუბი შსს-ს ”აკადემი”

საკალათბურთო კლუბი ბათუმის ”ბათუმი”


#7 ირაკლი მიქელაძე – ბათუმის ”ბათუმის” კალათბურთელი


#13 ბექა წივწივაძე – შსს-ს ”აკადემიის” კალათბურთელი

დავით უსტიაშვილი – საკალათბურთო კლუბ ბათუმის ”ბათუმის” მწვრთნელი


კოტე ტუღუში – საკალათბურთო კლუბ შსს ”აკადემიის” მწვრთნელი

კალათბურთის სუპერლიგის ნახევარფინალში ბათუმის ”ბათუმისა” და შსს ”აკადემიის” შეხვედრას პოლიციელებიც ესწრებოდნენ


პირველი ტაიმი – ”ბათუმი” 54:36 შსს აკადემია


მაკა კუპატაძე – მსაჯი


#10 გიორგი შარაბიძე – შსს აკადემიის კალათბურთელი


შსს ”აკადემიის” კალათბურთელი #13 ბექა წივწივაძე და მსაჯი მაკა კუპატაძე
#1 ბობ ჯინ იანგი


ბათუმის ”ბათუმი” 74:76 შსს აკადემია | საქართველოს კალათბურთის სუპერლიგა – ნახევარფინალი | 16 მაისი 2015

 

 

 

 

ნეტგაზეთის მასალების სხვა გამოცემებში გადაბეჭდვის წესი
ნინო ხიმშიაშვილი