ბათუმის „დინამოს“ ფანკლუბი „შავი ზღვის მეკობრეები“ სამი სამგზავრო მიკროავტობუსით უკვე გაემგზავრა ქობულეთში ჩელე-არენაზე.
ფანკლუბის ხელმძღვანელის გივი გაგუას, თქმით დაახლოებით 70 ფანკლუბელი გაემგზავრა დინამოს საგულშემატკივროდ ჩელე-არენაზე. „ჩვენ სტადიონზე არ ვიქნებით. ჩვენ კლუბის საზიანოს არაფერს გავაკეთებთ“უბრალოდ ადგილს შევიცვლით და ჩვენ ხმას მაინც გავაგონებთ „დინამოელებს“.
„პირატები“ მაინც გავემგზავრებით ქობულეთში მატჩზე და როგორც შევძლებთ ისე დავუდგებით გუნდს მხარში“ – წერდა 8 აპრილს ფანკლუბი Black Sea Pirates – Dinamo Batumi Fan-Club თავის facebook გვერდზე. „არ დავტობებთ დინამოს ასეთ მდგომარეობაში“, „ჩვენ ყოველთვის თქვენს გვერდით ვიდგებით“, „ვერასდროს ვერავინ, ვერ შეგვაჩერებს!“ – წერენ „დინამოს“ სხვა გულშემატკივრები.
ბათუმის „დინამოს“ გულშემატკივრის გარეშე კიდევ ორი თამაში დარჩება – 15 აპრილს ლანჩხუთის „გურიასთან“ და 9 მაისს თბილისის „დინამოსთან“.
საქართველოს ფეხბურთის ფედერაციის სადისციპლინო კომიტეტმა ბათუმის „დინამო“ 8 000 ლარიანი ჯარიმითა და სამმატჩიანი დისკვალიფიკაციით „ტორპედოსა“ და „დინამოს“ თამაშისას მომხდარი ინციდენტის გამო დააჯარიმა. მატჩის ბოლოს გულშემატკივრებმა მსაჯებს აგინეს.
დღევანდელი მატჩი:
11.04.2015 – 16:00
უმაღლესი ლიგა, ოცდამესამე ტური
ქობულეთი, “ჩელე არენა”
„დინამო“ ბათუმი – „სამტრედია“ სამტრედია
მსაჯები: ლ. კვარაცხელია, ი. უკლება, ზვ. ერქვანია, გ. დოგრაშვილი, გ. ავაზაშვილი, ვ. ბასილაია (სათადარიგო)