Batumelebi | 7- წლამდელთა აჭარის ჩემპიონატი ჭადრაკში 7- წლამდელთა აჭარის ჩემპიონატი ჭადრაკში – Batumelebi
RU | GE  

7- წლამდელთა აჭარის ჩემპიონატი ჭადრაკში

 

 

ბათუმის კომპლექსურ სასპორტო სკოლაში 2-8 თებერვალს 7 წლამდე ასაკის გოგონათა და ჭაბუკთა შორის აჭარის ჩემპიონატი ჩატარდება. ჩემპიონატში აჭარის ყველა მუნიციპალიტეტის მოჭადრაკეები მიიღებენ მონაწილეობას.

 

აჭარის პირველობა ფიდეს წესებით, შვეიცარული სისტემით, შვიდ ტურად ჩატარდება.

თანაბარი ქულების დაგროვების შემთხვევაში გამარჯვებულები გამოვლინდებიან კოეფიციენტის შემდეგი სისტემით:

1 . პროგრესი (თავისი რეიტინგი);

2 . ბუჰგოლცი.

 

აუცილებლობის შემთხვევაში დაინიშნება დამატებითი პარტიები.

გამარჯვებულები და საპრიზო ადგილზე გასული მოჭადრაკეები მედლებითა და დიპლომებით დაჯილდოვდებიან.

 

ტურნირის ორგანიზატორები არიან აჭარის სპორტისა და ახალგაზრდობის საქმეთა დეპარტამენტი და აჭარის ჭადრაკის ფედერაცია.

ნეტგაზეთის მასალების სხვა გამოცემებში გადაბეჭდვის წესი
" ბათუმელები"