Batumelebi | დასავლეთი გაერთიანდა დასავლეთი გაერთიანდა – Batumelebi
RU | GE  

დასავლეთი გაერთიანდა

ირაკლი დარცმელიძე

 

მორიგი ერთობლივი საწვრთნელი შეკრება ჩაატარა აჭარის ტაეკვონდისთა ნაკრებმა, რომელსაც ამჯერად ქუთაისისა და ფოთის ახალგაზრდული და კადეტთა გუნდები სტუმრობდნენ.

 

ამხანაგურ ტესტ-მატჩებში მონაწილეობა 40-ზე მეტმა სპორტსმენმა მიიღო. როგორც სამივე გუნდის თავკაცებმა განაცხადეს, ასეთი ტიპის შეკრებები ხშირად გაიმართება, რაც სპორტსმენთა დონის ამაღლებას შეუწყობს ხელს. უახლოეს დღეებში უკვე ბათუმელები გაემგზავრებიან ფოთში, სადაც დასავლეთ საქართველოს ყველა გუნდი შეიკრიბება.

აჭარის ნაკრების მთავარი მწვრთნელის აკაკი ცენტერაძის განცხადებით, თურქების სტუმრობის შემდეგ რამდენიმე ქვეყანამ გამოთქვა ბათუმში ერთობლივი შეკრების გავლის სურვილი. „ამ ეტაპზე არის სამი ქვეყანა, რომლებმაც ჩვენთან ჩამოსვლის სურვილი გამოთქვეს, თუმცა ჯერ მოლაპარაკება მიმდინარეობს და ჯერჯერობით მათი დასახელებისგან თავს შევიკავებ“, – აღნიშნა ცენტერაძემ.

ნეტგაზეთის მასალების სხვა გამოცემებში გადაბეჭდვის წესი
ირაკლი დარცმელიძე