ავტორი: მირანდა მიქაძე
30-31 ივლისს რუმინეთის ქალაქ ბუქარესტში ახალგაზრდებს შორის თავისუფალი სტილით მოჭიდავეთა მსოფლიო ჩემპიონატი გაიმართება. საქართველოს ნაკრებთან ერთად ბათუმელი მოჭიდავეები: მამუკა კორძაია და ერთადერთი გოგონა შორენა შარაძე (63კგ.) იასპარეზებენ. შორენას აჭარის ძიუდოისტთა ნაკრების მთავარი მწვრთნელი ნანი კირკიტაძე ამზადებს. ამჟამად შორენას გორელი მოჭიდავე _ ევროპის პრიზიორი ზვიად ბაზანდარაშვილიც ეხმარება. შორენა ძიუდოისტია, მაგრამ იგი სპორტის სხვადასხვა სახეობაშიც წარმატებულად ასპარეზობს _ მან ბათუმში გამართულ პლაჟის ჭიდაობაში მეორე ადგილი დაიკავა, სამბოში ევროპის ვიცე-ჩემპიონია გახდა, ძიუდოსა და მკლავჭიდში კი – საქართველოს ჩემპიონი.
ზვიად ბაზანდარაშვილი: “შორენა კარგ ფორმაშია, დღეში ორჯერ ვვარჯიშობთ, დატვირთვებს უძლებს, სუნთქვა და წონა კარგი აქვს. იმედია, გაგვახარებს და მსოფლიო ჩემპიონატზე საქართველოს ასახელებს”.
შორენა შარაძე: “მსოფლიო ჩემპიონატისთვის მეგობრებისა და მწვრთნელების დახმარებით ვემზადები. შედეგზე ვფიქრობ, მაგრამ ჩემპიონობას ნამდვილად ვერ დაგპირდებით. თან თავისუფალ ჭიდაობაში მსოფლიო ჩემპიონატზე პირველად ვასპარეზობ. რთული ბრძოლა იქნება, მაგრამ დავუმტკიცებ ყველას, რომ არ ვარ იმათზე ნაკლები სპორტსმენი, ვინც იქ იასპარეზებს. მადლობას ვუხდი იმ ადამიანებს, ვინც მხარში მიდგას, განსაკუთრებით ჩემს მწვრთნელს ნანი კირკიტაძეს, რომელიც ყველაფერს აკეთებს იმისთვის, რომ ყველა შეჯიბრებაში მივიღო მონაწილეობა”.
ავტორი: მირანდა მიქაძე
30-31 ივლისს რუმინეთის ქალაქ ბუქარესტში ახალგაზრდებს შორის თავისუფალი სტილით მოჭიდავეთა მსოფლიო ჩემპიონატი გაიმართება. საქართველოს ნაკრებთან ერთად ბათუმელი მოჭიდავეები: მამუკა კორძაია და ერთადერთი გოგონა შორენა შარაძე (63კგ.) იასპარეზებენ. შორენას აჭარის ძიუდოისტთა ნაკრების მთავარი მწვრთნელი ნანი კირკიტაძე ამზადებს. ამჟამად შორენას გორელი მოჭიდავე _ ევროპის პრიზიორი ზვიად ბაზანდარაშვილიც ეხმარება. შორენა ძიუდოისტია, მაგრამ იგი სპორტის სხვადასხვა სახეობაშიც წარმატებულად ასპარეზობს _ მან ბათუმში გამართულ პლაჟის ჭიდაობაში მეორე ადგილი დაიკავა, სამბოში ევროპის ვიცე-ჩემპიონია გახდა, ძიუდოსა და მკლავჭიდში კი – საქართველოს ჩემპიონი.
ზვიად ბაზანდარაშვილი: “შორენა კარგ ფორმაშია, დღეში ორჯერ ვვარჯიშობთ, დატვირთვებს უძლებს, სუნთქვა და წონა კარგი აქვს. იმედია, გაგვახარებს და მსოფლიო ჩემპიონატზე საქართველოს ასახელებს”.
შორენა შარაძე: “მსოფლიო ჩემპიონატისთვის მეგობრებისა და მწვრთნელების დახმარებით ვემზადები. შედეგზე ვფიქრობ, მაგრამ ჩემპიონობას ნამდვილად ვერ დაგპირდებით. თან თავისუფალ ჭიდაობაში მსოფლიო ჩემპიონატზე პირველად ვასპარეზობ. რთული ბრძოლა იქნება, მაგრამ დავუმტკიცებ ყველას, რომ არ ვარ იმათზე ნაკლები სპორტსმენი, ვინც იქ იასპარეზებს. მადლობას ვუხდი იმ ადამიანებს, ვინც მხარში მიდგას, განსაკუთრებით ჩემს მწვრთნელს ნანი კირკიტაძეს, რომელიც ყველაფერს აკეთებს იმისთვის, რომ ყველა შეჯიბრებაში მივიღო მონაწილეობა”.
