უკრაინის საჰაერო ძალების ცნობით, ოთხშაბათს, დილის 7 საათიდან ხუთშაბათის დილის 7 საათამდე, რუსეთმა კომბინირებული თავდასხმების ორი ტალღა წამოიწყო, 44 რაკეტისა და 659 დრონის გამოყენებით და დარტყმები 24-ზე მეტი საათი გრძელდება.
16 აპრილის დილის ცნობებით, ამ დროისთვის რუსეთის თავდასხმას 14 მშვიდობიანი მოქალაქის სიცოცხლე ემსხვერპლა.
კიევზე განხორციელებული დარტყმების შედეგად ოთხი ადამიანი დაიღუპა, მათ შორის ერთი ბავშვი, ხოლო 48 დაშავდა.
კიევის მერის, ვიტალი კლიჩკოს თქმით, რაკეტის ნამსხვრევები 16-სართულიანი საცხოვრებელი შენობის მეექვსე სართულს მოხვდა, ხოლო კიდევ ერთი დრონი 18-სართულიან შენობას შეეჯახა.
კიევში, პოდილსკის რაიონში კიდევ ერთმა რაკეტამ საცხოვრებელი შენობების ფასადები ჩამოანგრია. მაშველების ცნობით, ერთ-ერთი შენობის ნანგრევების ქვეშ ორი ადამიანის ცხედარი იპოვეს, მათ შორის 12 წლის ბავშვის.
რუსეთის შეტევის შედეგად 8 ადამიანი დაიღუპა ოდესაში. ქალაქში დაზიანდა ინფრასტრუქტურა.
მასშტაბური შეტევა იყო ქალაქ დნეპრზეც, სადაც 2 ადამიანი დაიღუპა და 30-ზე მეტი დაშავდა.
დრონებით შეუტიეს ხარკოვსაც.
________________
ფოტო: უკრაინის სამაშველო სამსახური
