სურსათის ეროვნული სააგენტოს ცნობით, იმერეთში ყველის არალეგალური საწარმოები გამოავლინეს.
სააგენტოს ცნობით, ყველის გადამმუშავებელი არალეგალური საწარმო გამოავლინეს წყალტუბოს მუნიციპალიტეტის სოფელ გეგუთში.
„ფიზიკური პირი ეკონომიკურ საქმიანობათა რეესტრში რეგისტრაციისა და სურსათის ეროვნული სააგენტოს აღიარების გარეშე საქმიანობდა. შემოწმებისას დადგინდა, რომ საწარმოში დარღვეული იყო სანიტარიულ-ჰიგიენური ნორმები და მიკვლევადობის მოთხოვნები. კანონმდებლობის შესაბამისად, ბიზნესოპერატორი დაჯარიმდა და საწარმოო პროცესი შეუჩერდა“ – წერს სააგენტო.
ასევე, სააგენტოსავე ცნობით, დარღვევები დაფიქსირდა ყველის გადამმუშავებელ საწარმო შპს „რაგოშიც“ ტყიბულში, სოფელი სამტრედიაში.
„ბიზნესოპერატორი საქმიანობდა სურსათის ეროვნული სააგენტოს აღიარების გარეშე, არ იცავდა მიკვლევადობის მოთხოვნებს, რის გამოც დაჯარიმდა და შეუჩერდა საწარმოო პროცესი“ – იუწყება სააგენტო.
___________
ფოტო: სურსათის უვნებლობის სააგენტო
