სომხეთი და თურქეთი ნაწილობრივ ამარტივებენ ვიზების მიღების მოთხოვნებს
ქვეყნები შეთანხმდნენ, რომ 2026 წლის 1 იანვრიდან გაამარტივებენ ვიზების მიღების პროცესს დიპლომატიური, სამსახურებრივი და სპეციალური პასპორტების მფლობელებისთვის.
მომავალი წლიდან ორივე ქვეყნის ასეთი პასპორტების მფლობელებს ელექტრონული ვიზების უფასოდ მიღება შეეძლებათ.
„თურქეთი და სომხეთი ადასტურებენ თავიანთ ვალდებულებას, გააგრძელონ ორ ქვეყანას შორის ნორმალიზაციის პროცესი ყოველგვარი წინაპირობის გარეშე, სრული ნორმალიზაციის მიზნით“, – აღნიშნულია ქვეყნების ერთობლივ განცხადებაში.
ბოლო წლებში ქვეყნებს შორის ურთიერთობები ნორმალიზებას იწყებს. 2025 წლის ზაფხულის დასაწყისში ორი ლიდერი, რეჯეფ თაიფ ერდოღანი და ნიკოლ ფაშინიანი, სტამბოლში შეხვდნენ. სომხეთის პარლამენტის თავმჯდომარემ, ალენ სიმონიანმა, შეხვედრას ისტორიული მოვლენა უწოდა და განაცხადა, რომ ეს იყო „სომეხი ლიდერის პირველი ვიზიტი თურქეთში ამ დონეზე“.
