თურქეთის ჩრდილო-დასავლეთით, ხანძრის ჩაქრობის დროს, სულ მცირე 10 მეხანძრე-მაშველი დაიღუპა ესკიშეჰირის პროვინციაში ტყის ხანძრის ჩაქრობის მცდელობისას, სულ მცირე 14 მაშველი და სატყეო მუშაკი კი სხვადასხვა დაზიანებით საავადმყოფოში გადაიყვანეს.
თურქული მედიის ცნობით, მეხანძრეების დაღუპვის სავარაუდო მიზეზი მეტეოროლოგიური პირობები გახდა – ხანძრისას ქარმა მოულოდნელად შეიცვალა მიმართულება და მეხანძრეები ცეცხლის ალყაში აღმოჩნდნენ. ტრაგიკული შემთხვევა 23 ივლისს მოხდა.
25 ივლისის მდგომარეობით, თურქეთში კვლავ მძვინვარებს ტყის ხანძრები. თურქული ახალი ამბების სააგენტო „ანადოლუ“ წერს, რომ ტყის ხანძრებს ებრძვიან ანტალიაში, სხვადასხვა ადგილას, ქარაბუქის რეგიონში კი 14 სოფელი ევაკუირებულია.
_____________
ფოტო: სააგენტო „ანადოლუ“
