რა ქუჩებს არ მიწოდება წყალი ბათუმში – დაზიანება მაგისტრალურ ქსელზე

კომპანია „ბათუმის წყლის“ ინფორმაციით, მამია ვარშანიძის ქუჩაზე წყალმომარაგების ცენტრალურ მაგისტრალურ 600 მმ-იან ქსელზე არსებული დაზიანების გამო გარკვეულ მისამართებზე შეიზღუდა წყალმომარაგება.

„ბათუმელებმა“ კომპანიაში დააზუსტა, რა ქუჩებზეა შეზღუდული წყლის მიწოდება.

ამ დროისთვის წყალი გათიშულია: პუშკინის, ჭავჭავაძის, გიორგი ბრწყინვალეს, ჩაიკოვსკის, ბესიკის, სევასტოპოლის, მამია ვარშანიძის, ჩოლოყაშვილის [ქუჩა და მეორე შესახვევი], ბალაძის, გურამიშვილის, ბაგრატიონის, ჯავახიშვილის, ლერმონტოვის, სულხან-საბა ორბელიანის, ლევან გელაძის, სელიმ ხიმშიაშვილის, ვახტანგ შამილაძის, მელიქიშვილის [ მათ შორის – ჩიხი და მეორე შესახვევი], ლუკა ასათიანის [ქუჩა და ჩიხი], აჭარისწყალის შესახვევი, გენერალ ასლან აბაშიძის, ვაჟა ფშაველას, თევრათ გორგილაძის, გენერალ ასლან აბაშიძის ქუჩებზე.

ასევე, „ბათუმის წყლის“ ცნობით, წყალი არ მიეწოდებათ აბონენტებს პეტრე ბაგრატიონის ჩიხსა და ურეხის შესახვევში.

კომპანიის ცნობით, წყლის მიწოდება აღდგება დღეს, 5 ივნისს, დაახლოებით 23 საათზე.

„დაზიანების მასშტაბიდან გამომდინარე სხვადასხვა ლოკაციაზე შესაძლოა დაფიქსირდეს წყლის ამღვრევა“ – იუწყება „ბათუმის წყალი“.