კომპანია „სოკარის“ ცნობით, ორშაბათს, 10 თებერვალს, ხელვაჩაურის მუნიციპალიტეტის სოფელ შარაბიძეებს გაზის მიწოდება შეუწყდება.
გაზმომარაგება შეწყდება 10 თებერვლის 10:00 საათიდან იმავე დღის 16:00 საათამდე.
გაზი გაეთიშება სოფელში მცხოვრებ 690 აბონენტს.
კომპანიის ცნობით, გაზის გათიშვის მიზეზი გაზსადენზე დაგეგმილი სარემონტო საექსპლუატაციო სამუშაოებია.
კომპანია აბონენტებს მოუწოდებს, დაკეტილ მდგომარეობაში იქონიონ სახლებში არსებული გაზის ონკანები და უყურადღებოდ არ დატოვონ გაზის დანადგარები.
