Batumelebi | კაცმა ხოფაში 6 საათში 75 ტონა თევზი გაყიდა – ქაფშია 5 ლირად კაცმა ხოფაში 6 საათში 75 ტონა თევზი გაყიდა – ქაფშია 5 ლირად – Batumelebi
ნეტგაზეთი • RU

კაცმა ხოფაში 6 საათში 75 ტონა თევზი გაყიდა – ქაფშია 5 ლირად

თურქეთში, ქალაქ ხოფაში, მეთევზემ, რომელმაც ბევრი თევზი დაიჭირა, ერთი კილო ქაფშია 5 ლირად გაყიდა. მიმდინარე სეზონზე თურქეთში ქაფშია 15-20 ლირა ღირს და ყველა მოქალაქეს მისი ყიდვის საშუალება არ აქვს. როგორც თურქული გამოცემა „ჰაბერლერი“ წერს, 6 საათში თევზის მაღაზიის მფლობელმა 75 ტონა ქაფშია გაყიდა.

„ჰაბერლერის“ ცნობით, ხოფელი სერქან აქსოი 12 წელია თევზაობს. „შევიდეს თევზი ყველა სახლში“ – ეს იყო ერთ-ერთი მიზეზი, რის გამოც მეთევზემ ქაფშიის ფასი 5 ლირამდე შეამცირა.

ხოფაში, ერთი დღის განმავლობაში ჩატარებულმა აქციამ დიდი ყურადღება მიიპყრო. ფასდაკლების შესახებ მთელმა რაიონმა გაიგო და თევზის მაღაზიის წინ რიგები გაჩნდა. ზოგი მოქალაქე ქაფშიას კილოობით ყიდულობდა, ზოგმა კი ყუთებითაც წაიღო.

მეთევზეს თქმით, მსგავსი აქციები წინა წლებშიც მოაწყო, მაშინ ის ქაფშიას 3 ლირად ჰყიდდა.

რიგი ხოფაში ქაფშიის საყიდლად

ნეტგაზეთის მასალების სხვა გამოცემებში გადაბეჭდვის წესი
ავტორი