ცხრა კანდიდატი – ვინ გახდება ბათუმის მერი?

დღეს, 21 ოქტომბერს, საქართველოში ადგილობრივი თვითმმართველობის არჩევნები მიმდინარეობს. ამომრჩევლები მთელი ქვეყნის მასშტაბით  64 მერს და 64 საკრებულოს 2058 წევრს აირჩევენ. ბათუმს უკვე მეორედ ეყოლება არჩეული მერი.

ბათუმში ამომრჩეველს მერობის ცხრა კანდიდატს შორის მოუწევს არჩევანის გაკეთება. მერობის კანდიდატები არიან:

[checklist]

• ჯელალ ქიქავა – „შალვა ნათელაშვილი – საქართველოს ლეიბორისტული პარტია“
• პეტრე ზამბახიძე – „ევროპული საქართველო“
• ლაშა კომახიძე – „ქართული ოცნება“
• ლევან ანთაძე – ერთიანი ნაციონალური მოძრაობა“
• ომარ ფარტენაძე – „კუკავა – ლორთქიფანიძე – დემოკრატიული მოძრაობა თავისუფალი საქართველო“
• რობერტ ფუტკარაძე – „გიორგი ვაშაძე – ერთობა ახალი საქართველო“
• ნათია ბუაძე – „სახალხო – ხალხის ერთსულოვნება“
• თენგიზ თავდგირიძე – „პატრიოტთა ალიანსი“
• კახა ცისკარიძე – „საქართველოს ერთობის და განვითარების პარტია“

[/checklist]

ბათუმში სულ 139 595 ამომრჩეველია რეგისტრირებული. არჩევნებში გამარჯვებულად ჩაითვლება ის კანდიდატი, რომელიც არჩევნებში მონაწილეთა ხმების 50%-ზე მეტს მიიღებს. არჩევნებში მონაწილეთა ხმების რაოდენობაში არ ითვლება ბათილად ცნობილი საარჩევნო ბიულეტენები.

თუ დღევანდელი არჩევნების შედეგად ცხრიდან ვერც ერთი კანდიდატი ვერ მიიღებს ამომრჩეველთა ხმების 50 პროცენტზე მეტს, არჩევნების მეორე ტური გაიმართება, რომელშიც მონაწილეობას ორი, საუკეთესო შედეგის მქონე კანდიდატი მიიღებს. მათგან გამარჯვებულად ის კანდიდატი ჩაითვლება, რომელიც მეორე ტურში მეტ ხმას მოაგროვებს. ასე მოხდა 2014 წლის ბათუმის მერის არჩევნებზე, როცა მეორე ტურში გიორგი ერმაკოვი ბათუმის მერი გახდა 26 103 ხმით.