3 აგვისტოს ბათუმის პორტს დატოვებს სამეცნიერო-კვლევითი გემის „Mare Nigrum“, რომლის საშუალებით ევროკავშირისა და გაეროს განვითარების პროგრამის (UNDP) მიერ დაფინანსებულ პროექტ „შავი ზღვის გარემოს მონიტორინგის გაუმჯობესება (EMBLAS)“ ფარგლებში საქართველოს, უკრაინის, და ევროკავშირის ქვეყნების მეცნიერები შავი ზღვის ერთობლივ კვლევებს ახორციელებენ.
სამეცნიერო-კვლევითი გემი ბათუმის პორტში. მანანა ქველიაშვილის ფოტო
პირველი კვლევა ჩატარდა 2016 წელს, რომლის შედეგადაც 12 სამეცნიერო ფაქტი გამოვლინდა, რაც ასახულ იქნა ნაშრომში „12 ახალი ფაქტი შავი ზღვის შესახებ“.
ამჟამად მეცნიერები შავ ზღვაში კვლევების მეორე ეტაპს ახორციელებენ. სამეცნიერო კვლევის შედეგები საშუალებას მისცემს შავი ზღვის ქვეყნებს ჰქონდეთ სრულყოფილი ინფორმაცია შავი ზღვის მდგომარეობის შესახებ.
___________________
ამავე თემაზე:
შავი ზღვის დიაგნოზი – ახალი ფაქტები ყველაზე მასშტაბური კვლევის ანგარიშიდან
მოსალოდნელზე მეტად დაბინძურებული შავი ზღვა
