Batumelebi | ქედაში დაკარგულ მამაკაცს ისევ ეძებენ ქედაში დაკარგულ მამაკაცს ისევ ეძებენ – Batumelebi
RU | GE  

ქედაში დაკარგულ მამაკაცს ისევ ეძებენ

 

ქედაში 13 დეკემბერს დაკარგულ 27 წლის მამაკაცს პოლიცია ისევ ეძებს. პოლიციას ამ დროისთვის დაკარგული მამაკაცის რამდენიმე ნივთი აქვს ნაპოვნი.

 

ქედის მუნიციპალიტეტი

 

 

 

ქედის გამგებლის დავით დუმბაძის განცხადებით, პოლიციამ ხიდთან იპოვა პოლიეთილენის პარკი, სადაც იდო კანონი პოლიციის შესახებ, შავი ქურთუკი და ათი ლიტრი ბენზინი. 

 

არაოფიციალური ინფორმაციით, დაკარგულ მამაკაცს ბოლო დღეებში გარკვეული რაოდენობის თანხა ჰქონდა მოგებული, თუმცა ამ ინფორმაციას სატელეფონო საუბარში გამგებელი არ ადასტურებს:

 

„იყო საუბარი თითქოს 200 ლარი მოიგო, მაგრამ არასწორია ეს ინფორმაცია. ყოველ შემთხვევაში, ის რომ შეიძლება ხიდიდან მდინარეში გადავარდნილიყო, ამ ვერსიას გამოვრიცხავთ, რადგან სამაშველო სამსახურის ხალხი იყო ამოსული, მყვინთავებმა დაათვალიერეს ის ადგილები. დაკარგული იმდენად კარგი მოცურავეა, რომ ასეთ ადგილზე შეუძლებელია რაიმე მოსვლოდა“- ამბობს დავით დუმბაძე.

დაკარგული მამაკაცი ადრე დაცვის პოლიციის სამსახურში მუშაობდა და როგორც გამგებელი ამბობს, იგი სამსახურიდან საკუთარი განცხადების საფუძველზე წასულა. 

გამგებლის განცხადებით, პოლიცია რამდენიმე ვერსიაზე მუშაობს, თუმცა ეს ვერსიები ჯერ არ გაჟღერებულა: „მთელი სანათესაო, სამეზობლო გამოკითხულია, პოლიციას აქვს რამდენიმე ვერსია, მაგრამ ჯერ ამაზე არ საუბარობენ. “

ნეტგაზეთის მასალების სხვა გამოცემებში გადაბეჭდვის წესი
"ბათუმელები"