მთავარი,სიახლეები

ხელვაჩაურში, სოფელ სამებაში ახალგაზრდა მამაკაცი მოკლეს

06.08.2017 • 3794
ხელვაჩაურში, სოფელ სამებაში ახალგაზრდა მამაკაცი მოკლეს

ხელვაჩაურის მუნიციპალიტეტში, სოფელ სამებაში, გუშინ, 5 აგვისტოს, მკვლელობა მოხდა. მოკლულია  სოფელ ქვედა სამებაში მცხოვრები ახალგაზრდა მამაკაცი.

„ბათუმელების“ ინფორმაციით, მოკლული 34 წლამდე ასაკის იყო, დაოჯახებული და სოფელ ქვედა სამებაში ცხოვრობდა.

შინაგან საქმეთა სამინისტროს ინფორმაციით, ფაქტზე მიმდინარეობს გამოძიება სს კოდექსის 108-ე მუხლით, რაც განზრახ მკვლელობას გულისხმობს.

„მკვლელობა 5 აგვისტოს, დაახლოებით საღამოს 10 საათისთვის მოხდა, ურთიერთშელაპარაკების ნიადაგზე. დადგენილია სავარაუდო ბრალდებული და მიმდინარეობს შესაბამისი ღონისძიებები,“ – გვითხრეს შს სამინისტროს პრესსამსახურში.

„ბათუმელების“ ინფორმაციით, საქმეს პოლიციის ხელვაჩაურის განყოფილება იძიებს.

 

გადაბეჭდვის წესი


ასევე: